गुहागर /लोकनिर्माण (विनोद जानवलकर)
गुहागर विजापूर हया राष्ट्रीय महामार्गावरील मोडकाआगर येथील पुलावरून वाहतूक बंद झाल्याने व या नवीन पुलाचे काम सुरू झाल्याने या मार्गावरील वाहतूक ही रानवी मार्गे वळवण्यात आली होती. यामुळे शृंगारतळी,पाटपन्हाळे कोंडवाडी, पिंपळवट आरे, गुहागर येथील प्रवाशांची मोठ्या प्रमाणावर गैरसोय होत होती.
पाटपन्हाळे कोंडवाडी हे गाव दुर्गम भागात असल्याने येथे वाहतुकीची सुविधा देखील नसल्याने येथील नागरिकांनी गुहागर तालुकाध्यक्ष विनोद जानवळकर ह्याच्याशी संपर्क साधत आपले गाऱ्हाणे मांडले. त्यांच्या विनंती ला सकारात्मक प्रतिसाद देत मनसे तालुका अध्यक्ष विनोद जानवळकर ह्यांनी आपल्या सहकाऱ्यांसमवेत सोमवारी गुहागर डेपोचे आगारप्रमुख वैभव कांबळे, पवार ह्यांना निवेदन देत ग्रामस्थांच्या समस्यांचा पाढाच वाचला ह्यावर आगार प्रमुख यांनी सुद्धा सकारात्मतक प्रतिसाद देत दिनांक १३/१०/२० ह्या मार्गावर बस सेवा सुरू करू असे आश्वासन दिले.
संपूर्ण महाराष्ट्रात कोणतेही प्रश्न असोत ते प्रश्न सर्व महाराष्ट्र सैनिक पक्षाचे अध्यक्ष हिंदू जननायक मा. राजसाहेब ठाकरे मनसे ह्यांच्या आदेशाने व मार्गदर्शनाने सोडवत आले आहेत आणि म्हणूनच आमची समस्या सुद्धा मनसेच मार्गी लावू शकते असा विश्वास आमच्या मनात होता आणि तो आज सार्थ ठरला असे म्हणत येथील ग्रामस्थांनी मनसेवर विश्वास व्यक्त केला. ह्यावेळी उपतालुका अध्यक्ष धर्मराज कदम, महिला आघाडी विभाग अध्यक्ष मयुरी शिगवण, विभाग अध्यक्ष प्रमोद राऊत,मयूर शिगवण, गणेश डेरवणकर,सुयोग कुबंडे व आदि उपस्थित होते.
